Bukas na Pasko:
Pagdiriwang na Inklusibo sa Lahat ng Pangkat-etniko
“BukasKo” Lantern
Bilang isang Pamantasang Bukas, natatangi ang UP Open University sa pagsusulong ng bukas na edukasyon para sa lahat. Nagsilbi itong inspirasyon sa pagbuo ng “BukasKo” Lantern na nagsusulong sa bukas at inklusibong pananaw tungkol sa pagdiriwang ng Pasko saanmang sulok ng Pilipinas.
Sa pag-angat at paglalakbay ng parol, ang aming hiling ay ang maliwanag at progresibong bukas para sa bawat pangkat-etniko sa bansa habang pinapanatili ang mayamang kultura ng mga Pilipino.
Digital na Bersyon
Belenismo sa Tarlac
Lungsod ng Tarlac
Tinaguriang “Belen Capital” dahil sa kanilang taunang kompetisyon na tinatawag na “Belenismo sa Tarlac”
Ipinapakita ng unang panel ang kwento ng pagsilang ni Jesus – isang sagisag ng pag-asa, kapayapaan, at pagmamahal sa pamilya.
Panel 1
Belenismo sa Tarlac
Pastores
Rehiyon ng Bikol
Inilalarawan ang paglalakbay ng mga pastol upang bisitahin ang sanggol na si Hesus sa pamamagitan ng pagsasayaw na kung tawagin ay "Pastores"
Ipinipinta ng ikalawang panel ang kakayahan ng mga Pilipino na panatilihin ang positibong disposisyon sa masalimuot na daan ng buhay.
Panel 2
Pastores
Pasko sa Sugbo
Lungsod ng Cebu
Ginaganap ang Giant Lantern Parade at pagpapailaw ng Christmas tree sa Fuente Osmeña Circle
Binibigyang-diin ng ikatlong panel ang pagsasalarawang ng pag-asa sa isang napakalaking anyo upang magpaalala na may liwanag sa gitna ng dilim.
Panel 3
Pasko sa Sugbo
Paskorela
Lungsod ng Cagayan De Oro
Isang taunang paligsahan ng mga traysikel na may iba’t-ibang disenyong pampasko
Ipinapahayag ng ika-apat na panel ang likas na pagkamalikhain ng mga Pinoy anuman ang antas sa lipunan.
Panel 4
Paskorela
Pamantasang Bukas
Los Baños
Nangunguna sa pagtataguyod ng bukas at inklusibong pananaw hindi lamang sa larangan ng edukasyon kundi pati na rin sa pagdiriwang ng Pasko sa anumang bahagi ng Pilipinas. Ito ang ipinapakita ng ikalimang panel.
Panel 5
Pamantasang Bukas
Pasko sa Pinas
Pilipinas
Ang Pasko sa Pinas ay hindi nalilimitahan ng lahi, kasarian, pagkakakilanlan, at pangkat-tao kung saan nananaig ang pag-ibig, pag-asa at pagkakaisa. Ito ang inilalarawan ng ika-anim na panel.
Panel 6
Pasko sa Pinas
Mga Ginuhit na Disenyo
Ang kabuuang disenyo ng mga panel ay hinango sa mga disenyo at istilo ng mga bintana (stained glass) ng Simbahang Katoliko.
Hexagon ang ginamit na interpretasyon ng star o bituin sa anyo ng kaleidoscope. Bukod dito, ang geometrikong hugis na ito ay isang kilalang simbolo ng pagkakaisa, tulad ng ipinakikita ng mga pulot-pukyutan.
Proseso ng Paglikha
Mga Lumikha
Ang paggawa ng parol na ito ay tila nagbubukas ng pintuan sa mas maraming masayang alaala. Isa itong tradisyon na hindi dapat kalimutan ng mga susunod na henerasyon ng mga manlilikha ng disenyong Pilipino.
Maligayang Pasko!
Ammanessi Joy Lapitan
Kawani ng UPOU
Habang kami ay nagsasaliksik para sa “BukasKo” lantern, natuwa ako sa mga nalaman kong pamamaraan ng mga Pilipino sa pagdiriwang ng Pasko. Tunay na mayaman ang ating kultura!
Isang bukas na Pasko para sa lahat!
Maelyn Pisueña
Kawani ng UPOU
Ang saya pala kapag kasama ang mga kaibigan sa paggawa ng parol! Napalapit kami sa isa't-isa.
Sa pagbuo ng "BukasKo" lantern, mas naunawaan ko kung bakit mahalaga ang pagdiriwang ng Pasko sa ating kultura—ito ay isang paraan upang magkabuklod-buklod ang mga Pilipino tungo sa pagkakaisa!
Shaira Tanay
Kawani at Mag-aaral ng UPOU